Hamiləlik dövrü, qadının həyatında ən önəmli və zərif dövrlərdən biridir. Bu dövrdə, ana və körpənin sağlamlığının qorunması üçün mütəmadi tibbi nəzarət və dəstək tələb olunur. Bizim klinikamızda, hamiləliyin aparılması üçün yüksək ixtisaslı mama-ginekoloqlar və müasir tibbi avadanlıqlar ilə təchiz olunmuşdur.

Hamiləliyin aparılması prosesinə aşağıdakılar daxildir:

• Mütəmadi prenatal müayinələr: Hamiləlik boyunca müntəzəm müayinələr ana və körpənin sağlamlığını izləmək üçün vacibdir. Bu müayinələrdə ultrasəs müayinələri, qan testləri və digər analizlər həyata keçirilir.
• Hamiləlik dövründə qidalanma və həyat tərzi məsləhətləri: Həkimlərimiz, hamilə qadınlara düzgün qidalanma və sağlam həyat tərzi haqqında məsləhətlər verirlər. Bu, həm ananın, həm də körpənin sağlamlığı üçün çox vacibdir.
• Hamiləlikdə yaranan problemlərin müalicəsi: Hamiləlik dövründə meydana gələn patologiyalar, vaxtında diaqnoz qoyulub müalicə edilməlidir. Həkimlərimiz, bu problemlərin həlli üçün lazım olan bütün tədbirləri görürlər.
• Doğum hazırlıqları: Hamiləlik dövrünün sonunda, doğum üçün hazırlıqlar görülür. Bu dövrdə, həkimlərimiz ana və körpənin doğuma hazır olmasını təmin edir və lazım olan bütün tibbi tədbirləri görürlər.