6 HƏFTƏLİK HAMİLƏLİK: KÖRPƏNİN İNKİŞAFI, SƏHƏR BULANTILARI VƏ DUYĞULARINIZ
Bu həftənin sonuna qədər körpəniz portağal tumu boyda olacaq.
Bu həftə körpənizin inkişafı
Bu dövrdə körpənizin onurğası əyilmiş və başı böyük olur. Büküşlər görünür ki, onlar da gələcəkdə üzə və çənəyə çevrilir. Başlarında burun başlanğıcı görünür və sonradan qollara və ayaqlara çevriləcək iki cüt tumurcuq görünməyə başlayır. 6-cı həftədə ürək döyünməyə başlayır.
6-cı həftədə hamiləliyin əlamətləri
- Sancılardan, qəbizlikdən və ya başgicəllənmədən əziyyət çəkirsinizsə, “Hamiləlikdə ən çox rast gəlinən 10 sağlamlıq problemi” məqaləsindən daha çox məlumat əldə edə bilərsiniz.
Ürəkbulanma
Səhərlər ürək bulanması erkən hamiləlik müddətində çox rast gəlinir və ehtimal ki, hormonal dəyişikliklərdən qaynaqlanır. Ürəkbulanma ən çox səhərlər olsa da, günün istənilən vaxtında baş verə bilər və ya bütün gün özünüzü narahat hiss edə bilərsiniz. Adətən ikinci trimestrdə bulantı azalır.
Səhər bulantıları xoşagəlməz ola bilər, ancaq körpənizə zərər verməyəcək. Mədənizdə heç bir qida qalmırsa, həkiminizlə danışın.
Hamiləlik qusmasının müalicəsi
Özünüzü daha yaxşı hiss etdirə biləcək bəzi şeylər var. Bunlara daxildir:
- Bol istirahət etmək;
- Sizə bulantı verən qida və ya qoxulardan uzaq durun;
- Bol su içmək (qurtumla içmək kömək edə bilər);
- Zəncəfilli peçenye kimi tərkibində zəncəfil olan qidalar və içkilər istifadə edə bilərsiniz (hamiləlik zamanı zəncəfil əlavələri qəbul etməzdən əvvəl əczaçınızla danışın).
Bəzən hamiləlik qusması ağır olur. Gündə bir neçə dəfə qaytara bilərsiniz və yemək və ya maye bədəninizdə qalmır. Bu hiperemesis gravidarum kimi tanınır və adətən xəstəxana şəraitində müalicə olunur. Əgər bu vəziyyətlə rastlaşsanız vaxt itirmədən həkiminizlə əlaqə saxlayın.
Hamiləlik qusması haqqında daha ətraflı “Hamiləlik qusması – hyperemesis gravidarum” məqaləsində oxuya bilərsiniz.
Hamiləlik baş ağrıları
Baş ağrıları erkən hamiləlik müddətində tez-tez baş verə bilər və adətən hamiləliyiniz irəlilədikcə azalır. Onlar sizi narahat edə bilər, ancaq körpənizə zərər verməz.
Bunlar sizə kömək edə bilər:
- Bol maye qəbul etmək;
- İstirahət etməyin yollarını tapın;
- Kifayət qədər yatmağa çalışın.
Əgər ağrıkəsicilərə ehtiyacınız varsa, hamiləlik zamanı parasetamol qəbul etmək adətən təhlükəsizdir. Sadəcə tövsiyə olunan dozaya əməl etdiyinizə əmin olun və mümkün olan ən qısa müddət ərzində qəbul etməyə çalışın. İbuprofen, həkim tərəfindən təyin edilmədiyi təqdirdə hamiləlik dövründə tövsiyə edilmir.
Şiddətli baş ağrınız varsa, həkiminizlə əlaqə saxlayın.
Yorğun və emosionalsınız?
Bir çox insanlar ilk 3 ayda çox yorğun olduqlarını deyirlər. Vücudunuz çox gərgin işləyir və çoxlu hormonal dəyişikliklər baş verir, buna görə də bu təəccüblü deyil.
Bu dövrdə bir az emosional olmaq da çox yaygındır. Bu təbiidir – bədəninizdə və həyatınızda çoxlu dəyişikliklər baş verir.
Özünüzü depressiv hiss edirsinizsə və ya narahat olursunuzsa və bu, gündəlik həyatınıza təsir edirsə, həkiminiz ilə danışın. Narahat olmayın, sizi mühakimə etməyəcəklər. Onlar başa düşürlər ki, bu hisslər hamıda ola bilər və sizə dəstək olmaq üçün əllərindən gələni edəcəklər.
Siqaret və hamiləlik
Tütün tüstüsü hamiləliyin ciddi fəsadlarına səbəb ola bilər. Əgər hamilə olduğunuzu yenicə öyrənmisinizsə və siqaret çəkmisinizsə, narahat olmamağa çalışın. İndi siqareti tərgitmək sizə və körpənizə dərhal kömək edəcək.
Siqareti tərgitmək üçün kömək alın.
Passiv siqaret çəkmədən də qorunmaq lazımdır. Evinizdə kimsə siqaret çəkirsə, o da siqareti buraxsa və ya heç olmasa evdə və ya yaxınlıqda siqaret çəkməsə, bu sizə və körpənizə kömək edəcəkdir.
